Get in touch
555-555-5555
mymail@mailservice.com

Maandelikse Nuusbrief van die Afrikanerbond

             Augustus 2021

Die ideale en strewes van Afrikaners vir die 1961-Republiek – ’n Afrikaner-Broederbond-perspektief

 

Ons het pas op 31 Mei 2021 die sestigste herdenking van die Republiek sedert 1961 gevier. Die Broederbond se ontstaan is direk gekoppel aan die strewe van ’n republiek. Die Kaaplandse NP-leier dr. DF Malan het ’n vergadering op Saterdagaand 13 April 1918 in die Selborne-saal (’n sysaal van die Johannesburgse stadsaal) toegespreek. Malan het dié betrokke Saterdagaand in sy toespraak van meer as twee uur lank oor die ideaal van ’n republiek in Suid-Afrika uitgewei. Groot spanning het gedurende die vergadering ontstaan met skares mense ondersteun deur soldate en polisie wat buite saamgedrom het. Die vergadering is met ’n vuisgeveg opgebreek en groot skade is aangerig.

 

Die voorval het die gedagte by ’n paar jong Afrikaners wat die vergadering bygewoon het, losgemaak dat die tyd ryp was om iets meer positiefs in belang van die Afrikaner te doen. Verskeie gesprekke het hierna gevolg en twee maande later het die Broederbond op 5 Junie 1918 in Malvern in Johannesburg tot stand gekom. Die republikeinse ideaal is onder andere deur die Broederbond verder bevorder en die gedagte is by verskeie geleenthede oor dekades daarna deur voorsitters van die Afrikaner-Broederbond in Bondsrade uitgelig. Die hoofsekretaris van die Afrikanerbond, Jan Bosman, sal die strewe vanuit die Afrikaner-Broederbond-perspektief, verder toelig op 12 Augustus 2021.

 

(Lees gerus meer oor die insident en die ontstaansgeskiedenis van die Afrikaner-Broederbond, sowel as die strewe na Republiekwording in die nuutste publikasie –

 “Die Broederbond – Die geskiedenis van die Afrikaner-Broederbond 1918-1994” deur prof. ELP Stals met voorwoord deur prof. Hermann Giliomee https://www.afrikanerbond.co.za/broederbond-boek-blad-elp-stals)

 

Hiermee word u uitgenooi om die geleentheid by te woon.

 

DATUM:             12 Augustus 2021

TYD:                   11:00-13:00

PLEK:  Die Erfenisstigting, terrein van die Voortrekkermonument

RSVP:                 3 Augustus 2021 – vicki@kultuurtuiste.org.za

Deel met ander belangstellendes

Volg die Afrikanerbond op Facebook

Share by: