Ek is een van 185 000

Na 16 Desember 1994 berig Beeld die laaste Geloftedag bring hartseer. Slegs 'n handjievol mense het by die Voortrekkermonument opgedaag, terwyl die meerderheid Afrikaners eerder hulle motors gewas, langs die swembad ontspan of vleis gebraai het. Geloftedag sal altyd in mense harte voortleef, word berig.

Afrikaners het die doemprofete met 'n wilsbesluit verkeerd bewys.
Net 'n paar feite oor 16 Desember 2022:

Verlede jaar woon 'n rekordgetal van meer as 20 000 mense die Voortrekkermonument se Geloftediens by en sing saam met Gaphi "Die Geloftelied" dat die kranse antwoord gee.
'n Rekordgetal van 5000 mense woon die Geloftediens op Bloedrivier by.
Die Voortrekkermonument by Winburg is vir die eerste keer in byna drie dekades skoongemaak en herstel, met 'n bielie van 'n Geloftefees in die hart van die Vrystaat.
In Namibië is daar al 10 Geloftefeeste.
In 2012 het slegs 80 Geloftefeeste nog bestaan. In 2022 vind 'n rekordgetal van 297 Geloftefeeste regoor SA en Namibië plaas. Van oraloor word berig van baie kinders, jongmense en gesinne wat Geloftefeeste bywoon. So bv. is vanaf Prieska berig ontvang dat hulle Geloftefees wat in 2016 herleef het, in 2022 die grootste fees nog was.
In die buiteland is Geloftedag op twee plekke in Australië gevier, naamlik in Nieu-Suid-Wallis en Melbourne. Geloftedag is ook in die VSA, Kanada, Duitsland en Nederland gevier.
Vanjaar herdenk ons op 16 Desember Groot Trek 185. Tydens die Moord by Bloukrans is 185 kinders vermoor. Hulle word spesiaal onthou deur 'n ruiker van 185 rose op die senotaaf. Daar is 185 bome by Bloedrivier geplant.

Is dit moontlik dat 185 000 Afrikaners ter herdenking van Groot Trek 185 vanjaar regoor Suid-Afrika, Namibië en in die buiteland Geloftedag kan vier? Verseker!

Vanjaar se Geloftedag speel af teen die agtergrond van 'n stukkende land wat tot in die afgrond bestuur word, politieke onstuimigheid en ekonomiese swaarkry. Op Geloftedag kyk Afrikaners op na die Here met 'n belydenis van afhanklikheid. Dit is 'n dag waar die eer van Sy naam sentraal staan.

As jy deel van die 185 000 Afrikaners is wat Geloftedag iewers gaan bywoon, registreer by die SKAKEL. Dui aan hoeveel van jou gesin en waar jy Geloftedag gaan bywoon. (Volg die Voortrekkermonument se skakel https://vtm.org.za/vtm-185-veldtog/

Op die manier wys Afrikaners Geloftedag leef nie net in ons harte nie, maar in ons dade.

Hier staan ons. Steeds.

Program by die Voortrekkermonument

Die Gelofte van 16 Desember 1838 is van die aand van Sondag 9 Desember (by Danskraal) elke aand afgelê en het op die groot dank en lof van die aand van 16 Desember uitgeloop.

Die groot Geloftediens word natuurlik op 16 Desember om 09:00 by die Amfiteater van die Voortrekkermonument gehou, maar op Vrydag 8 Desember begin die Gelofteweek Fees by die Monument.

Verskeie kunstenaars tree deur die week op. Verhoogproduksies word deurentyd aangebied. Spesiale uitstallings en ons Museumteater bied ‘n visuele ervaring. Kersprogramme en Geloftefeesaanbiedings sorg vir ‘n hoogtepunt van u feesgety van Desember. En dit alles binne loopafstand op een plek, ons plek, die Voortrekkermonument.

Kliek op die aangehegte skakel en kom deel in wat besig is om een van ons groot kultuurfeeste te word. https://vtm.org.za/gelofteweek-2023/

Geloftefeeste regoor Suid-Afrika

Die Geloftefeeste en -dienste met die program en kontakbesonderhede word vanjaar vir die eerste keer op ‘n interaktiewe kaart aangetoon – beskikbaar by hierdie skakel - https://ditsem.net/Geloftefees/

Die Geloftefees se Kalender kan ook afgelaai word by hierdie skakel - https://drive.google.com/.../1zpj2yl5tZAnEhPu3WVu.../view....

Terug na Desember 2023 - Kersfees Nuusbrief Indeks