Maandelikse Nuusbrief van die Afrikanerbond
November 2023
Verkiesing 2024 Registrasie - want elke stem tel
In die huidige bedeling is dit uiters belangrik dat elke burger van Suid Afrika moet registreer om te kan stem in die komende algemene verkiesing wat in 2024 sal plaasvind. Daar is heelwat aspekte wat die kiesers van Suid Afrika ongelukkig maak en in ʼn sekere mate moedeloos laat voel. Deur te registreer as kieser en ʼn stem uit te bring is daar deelname aan demokrasie. ʼn Positiewe kieser kan rigting bepaal vir die waardes, standaarde en norme wat vir Suid Afrika van groot belang is.
Die 2024 verkiesing is verder van groot belang aangesien onafhanklike kandidate vir die eerste keer in die by die nasionale en provinsiale verkiesings sal kan meeding. Ons wag egter nog op uitspraak deur die Konstitusionele Hof oor hierdie en ander kwessies oor die Kieswet. Hierdie uitspraak sal duidelikheid verskaf oor die Kieswet en sal die toekoms van die verkiesingsproses en die wese van demokratiese regering in die land vorm. Die potensiële implikasies van die uitspraak sal van groot betekenis wees, aangesien die uitspraak na verwagting duidelikheid sal gee en die presedent vir sleutelaspekte van die kiesstelsel sal skep.
Intussen is daar meer verwikkelinge op die partypolitieke front met koalisies en samewerkingsooreenkomste wat vorm aanneem. Hierbenewens word burgerlike koalisies ook gevorm en moet dit verwelkom word, aangesien hulle sal werk om projekte voor, tydens en na die 2024-verkiesing te identifiseer en uit te voer wat kiesersregistrasie, kiesersopvoeding, OVK en verkiesingsmonitering insluit.
Die termyne van die huidige wetgewers – nasionaal sowel as provinsiaal eindig omstreeks 18 Mei 2024. Die nasionale en provinsiale regerings sal egter in hul amp bly totdat die nuutverkose openbare verteenwoordigers die amp kan aanvaar. Die OVK het verlede wek met die afskop van die verkiesingsveldtog gesê ingevolge die Grondwet moet die land 'n verkiesing hê binne 90 dae na die verstryking van die wetgewers se bepalings. “Daarom is ’n verkiesing moontlik tussen Mei en middel Augustus 2024.”
Die Onafhanklike Verkiesingskommissie gaan 23 296 stemlokale vir die naweek van 18 en 19 November 2023 oopmaak om nuwe kiesers te registreer maar ook om bestaande kiesers te verifieer.
Tans is daar 26 211 123 geregistreerde kiesers
55.32% Vroulik
44.68% Manlik
Volg die skakel om registrasie te bevestig. https://www.elections.org.za/pw/Voter/Voter-Information
Stuur SMS met ID Nommer na 32810 (R1 per sms)
Laai die IEC verkiesing app af by Google Play of die Apple se App Store
Lewer gerus kommentaar op die artikel
Deel met ander belangstellendes
Volg die Afrikanerbond op Facebook
